Psa 114 | MNA | STEP | Muŋgu zin Israel ta Yakop popoŋana kini na, tizem Aikuptu. Tizem zin wal ta tizzo kalŋan toro.

aKam 12:41

bKam 19:5, 24:3+

cKam 14:21

dKam 19:18

Psalms 114

Mboe 114

Zin Israel matan iŋgal mazwaana ta tizem Aikuptu

1 Muŋgu zin Israel ta Yakop popoŋana kini na, tizem Aikuptu.
Tizem zin wal ta tizzo kalŋan toro. ^a
2 Indeeŋe tana, zin Yuda tiwe wal potomŋan ki Yooba.
Zin Israel tiwe Yooba lene, mi ni ikamam peeze pizin. ^b
3 Indeeŋe Tai Siŋsiŋŋana ire i na, iko ma ila lene.
Mi yok Yordan ire i na, imiili ma ila, mi ipot ma imbotmbot. ^c
4 Zin abal tiseŋeeŋe mi tilulu zin kembei ta mekmek.
Mi lele mbukunbukun timorsop, mi tilulu zin kembei ta sipsip popoŋan. ^d

5 O tai, nu tina ko pa so uunu i?
Mi yok Yordan, parei ta nu miili ma la mi pot?
6 Mi niom abalabal mi lele mbukunbukun na,
keseŋeeŋe mi kululu yom paso?

7 O toono, re u kek? Pa molo som, to Yooba imar.
Iŋgi be Anutu ki Yakop iswe kat mburaana.
8 Ni ta ikam ma yok ipet pa pat mi irereere ma biibi.
Mi ikam ma yok ipet pa raŋ, mi irereere ma isu.